Difunde a convocatoria da manifestación de Queremos Galego!
16 Outubro 2009 – 5:20 p.m.Dende Blogues pola Lingua animamósvos a colaborar na convocatoria da manifestación organizada pola Plataforma Cidadá Queremos Galego! para o vindeiro domingo 18 de outubro, con saída ás 12h dende a Alameda de Compostela.
Para iso podedes:
- Anunciala cunha entrada no voso blogue, ou comentando sobre esta noutros blogues.
- Inserindo un banner da convocatoria.
- Difundindoa entre os vosos contactos a través das Redes Sociais.
Banners
A continuación ofrecémosvos algúns dos banners para anunciar a convocatoria:
Podes descarregar máis banners dende este sitio web.
Acción conxunta de Blogues pola Lingua na véspera do Día das Letras.
13 Maio 2009 – 7:05 p.m.
A Rede de blogueiras/os en defensa do galego – Blogues pola Lingua, desenvolveremos o vindeiro sábado 16 de maio unha acción virtual conxunta, na véspera do Día das Letras Galegas, co obxecto de amosar a nosa plena adhesión ao “Manifesto pola convivencia lingüística e a igualdade de dereitos para o galego” promovido por A Mesa pola Normalización Lingüística, así como de apoiar e difundir a mobilización convocada por este colectivo para o vindeiro 17 de maio, con saída 12h dende a Alameda de Compostela.
A acción consistirá en que o sábado 16 de maio, TODAS e TODOS os blogueiros membros de BpL engadiremos unha entrada nos nosos respectivos blogues, na que incluiremos alén do que cada un/unha estime oportuno, o seguinte TEXTO COMÚN:
O galego que non fala
Na lingua da súa terra
Non sabe o que ten de seu
Nin é merecente dela.
(“Da Vella Roseira”, Victoriano Taibo)
Mañá 17 de maio celebraremos o Día das Letras Galegas manifestándonos en Compotela en defensa do noso idioma. Poque o galego é a nosa columna vertebral, o idioma que nos une. Vén cada nós, para expresarmos todas e todos xuntos que queremos vivir en galego.
Adherímonos así mesmo ao “Manifesto pola convivencia lingüística e a igualdade de dereitos para o galego“, promovido por A Mesa pola Normalización Lingüística.
